Ble mae Ystrad Aeron?: Mae pentref Ystrad Aeron ar y brif hewl rhwng trefi Llanbedr Pont Steffan (Llanbed) ac Aberaeron.

Pam Ystrad Aeron?: Ystyr y gair "ystrad" yw llawr y dyffryn, ac mae'r "Aeron" yn dod wrth gwrs o Afon Aeron sy'n llifo drwy'r dyffryn. Aeron oedd duwies rhyfel y Celtiaid.

Faint sy'n byw yn Ystrad?: Mae'r pentre'n rhan o blwyf Llanfihangel Ystrad (Ward Felinfach), ac yn 2004 roedd y ward yn cynnwys 304 o gartrefi a 579 o bleidleiswyr.

Beth sy'n digwydd yn Ystrad?: Mae'n ganolfan i lawer o bobol Dyffryn Aeron achos tafarn lewyrchus y Vale, a'r ffaith mai fan hyn mae canolfan Eglwys Plwyfi Llanfihangel Ystrad a Nantcwnlle. Ystrad yw'r pentre agosaf at Theatr Felinfach, sydd ar yr hewl rhwng y pentre a Ciliau Aeron. Clicia ar y dolenni ar ochr chwith a dde y dudalen i ffeindio mas mwy am beth sy'n digwydd yn y pentre!

Ble alla i siopa?: Mae garej Tim Davies yn gweithredu fel siop i'r pentref, a'r siopau eraill agosaf yw siopau Felinfach. Mae gan Ystrad ei busnesau ei hunan, sef canolfan Amaethwyr Clunderwen a Cheredigion (y Cop) a busnes gwerthu ceir John Bevan.

Ble alla i gael mwy o wybodaeth am Ystrad?: Clicia ar y dolenni ar ochr chwith, dde a gwaelod y dudalen i gael mwy o wybodaeth am y pentre a'r ardal gyfan, a cofia ddarllen y calendr digwyddiadau.

Ffair Haf Cae Chwarae a Chlwb Pêl-droed Felinfach >> mwy

Taith Dyfed a Meinir >> mwy

Clwb Coets Felinfach >> mwy

gwefan CFFI Felinfach >> mwy

Help for Welsh learners using this site >> mwy

Ymgyrch Dairygold
>> mwy

gwefan Plwyf Llanwenog >> mwy